रौतहटमा सवारी दुर्घटनामा परेर एक जना पुरुषको मृत्यु

रबिन्द्र प्रजापति, माघ २७ गते रौतहट ।
रौतहटमा सवारी दुर्घटनामा परेर एक जना पुरुषको मृत्यु भएको छ । बिहिबार विहान करिब साढे ४ बजेको समयमा गौर चन्द्रपुर सडक खण्डको जिन्गडिया चोक नजिकै पहिचान नखुलेको सवारी साधनले ठक्कर​ दिएको थियो । नम्बर नखुलेको सवारी साधनले ठक्कर दिँदा नाम थर, वतन नखुलेको अन्दाजी ५०–५२ वर्षका पुरुष घाइते भएका थिए ।
घाइते पुरुषको उपचारको क्रममा अस्पताल लैजाँदै गर्दा मृत्यु भएको ईलाका प्रहरी कार्यालय गरुडाका प्रमुख डीएसपी श्रीराम भण्डारी जानकारी दिएका छन् । मृतकलाई पोस्टमार्टमको लागि गौर अस्पतालमा पठाईएको डीएसपी भण्डारीले बताए छन । ठक्कर दिएर भागेको सवारी साधनको खोजतलास भइरहेको छ भने मृतकको पहिचान गर्नको लागि प्रहरीले स्थानीयसँग सहयोगको अपिल समेत गरेको छ ।