रबिन्द्र प्रजापति फागुन ०३ गते रौतहट ।
सप्तरीको डाक्नेशवरी नगरपालिका वडा न. ९ स्थित महुकी पत्थरगाडामा ट्याक्टर दुर्घटना हुँदा एक जनाको मृत्यु भएको छ भने अन्य दुई जना गम्भीर घाइते भएका छन् । दुर्घटनामा सप्तरीको छिन्नमस्ता गाउँपालिका वडा न. ३ का २७ वर्षीय सन्तोष कुमार सदाको मृत्यु भएको छ सोही दुर्घटनामा छिन्नमस्ता गाउँपालिका वडा न. ३ कै २९ वर्षीय श्रीप्रसाद मण्डल र १८ वर्षीय युवराज सदा गम्भीर घाइते भएको जिल्ला प्रहरी कार्यालय सप्तरीका डिएसपि एव प्रवक्ता माधवप्रसाद काफ्लेले जानकारी दिए ।
सप्तरीको अर्नाहाबाट पत्थरगाढातर्फ गइरहेको स.१ त ६१०८ नम्वरको रड लोड गरिएको ट्याक्टर गएराति आफे अनियन्त्रित भएर दुर्घटना भएको जिल्ला प्रहरी कार्यालय सप्तरीले जनाएको छ ।
दुर्घटनामा गम्भीर घाइते भएका सदाको उपचारको लागि राजविराजस्थित गजेन्द्रनारायण सिंह अस्पतालमा भर्ना गरिएको थियो । उपचारकै क्रममा उनको मृत्यु भएको डिएसपि एव प्रवक्ता काफ्लेले जानकारी दिए ।
घाइते दुवै जनाको राजविराजस्थित गजेन्द्रनारायण सिंह अस्पतालमा उपचार भइरहेको सप्तरी प्रहरीले जनाएको छ ।