रौतहटमा स्कोर्पियोको ठक्करबाट एक महिलाको मृत्य, एक महिला घाईते

रबिन्द्र प्रजापति, फागुन २८ गते रौतहट ।
रौतहटमा स्कोर्पियोको ठक्करबाट एक महिलाको मृत्यु भएको छ भने अर्की एक महिला घाईते भएका छन्
जिल्लाको गुजारा नगरपालिका वडा नं. ३ जंगलसहियामा भारतीय नम्बरको स्कोर्पियोको ठक्करबाट गुजारा नगरपालिका वडा नं. ३ की ४० वर्षीय गीता देवी चौधरीको मृत्यु भएको प्रहरीले जनाएको छ चौधरीको घटनास्थलमै मृत्यु भएको छ
वि आर ०५ पि ए ५००० नम्बरको स्कोर्पियोले ठक्कर दिएको इलाका प्रहरी कार्यालय चन्द्रनिगाहापुरका डिएसपी लिलाराज लामिछानेले जानकारी दिनु भयो
महिलालाई ठक्कर दिएलगत्तै आक्रोशित स्थानीयवासीको भीडले गाडीमा आगजनी समेत गरेका छन् । गाडी पूर्ण रुपमा जलेर नष्ट भएको चन्द्रनिगहपुरका डिएसपी लामिछानेले बताए ।
जथाभावी चलाइएको उक्त गाडीको ठक्करबाट थुप्रै खसी बाख्रा समेत मरेको प्रहरीको भनाई छ । स्थानीयवासीका अनुसार गुजाराको पशुपति टोलमा भएको एक विवाह कार्यक्रममा आएका जन्तीले मदिरा सेवन गरेर गाडी चलाउँदा सो दुर्घटना भएको डिएसपी लामिछानेले बताए । घटनाबारे थप अनुसन्धान भैरहेको डिएसपी लामिछानेले जनाएको छ ।