रबिन्द्र प्रजापति, चैत ११ गते रौतहट ।
रौतहटमा सवारीसाधनको ठक्करबाट एक जना पैदल यात्रीको मृत्यु भएको छ ।
जिल्लको पूर्व पश्चिम राजमार्ग अन्तर्गत रौतहटको चन्द्रपुर नगरपालिका नडा नं. २ मा बिहीबार राति नम्बर नखुलेको सवारीसाधनको ठक्करबाट पैदल यात्रीको मृत्यु भएको प्रहरीले जनाएको छ । मृत्यु हुनेमा पैदलयात्री अन्दाजी ६० वर्षिय पुरुष रहेका छन् ।
उनको उपचारको क्रममा निजगढ सामुदायिक अस्पतालमा शुक्रबार बिहान पौने ३ बजेको समयमा मृत्यु भएको प्रहरीले जनाएको छ ।
मृतकको सनाखत हुन बाँकी रहेको छ । गएराती पौने १ बजे नम्बर नखुलेको सवारी साधनले उनलाई ठक्कर दिई फरार भएको ईलाका प्रहरी कार्यालय चन्द्रनिगाहपुरले जनाएको छ
दुर्घटना गराई फरार रहेको सवारी साधन र चालकको खोजीकार्य भईरहेको छ