रौतहटमा मटकोर पुजामा गित गाउने क्रममा करेन्ट लाग्दा ७ जना घाईते, एक जनाको मृत्यु

रबिन्द्र प्रजापति, बैशाख ०३ गते रौतहट ।
रौतहटमा शनिबार बेलुकी ७ १५ बजेको समयमा करेन्ट लाग्दा ७ जना घाईते भएका छन् भने १ जनाको मृत्यु भएको छ ।
जिल्लाको दुर्गाभगवती गाउपालिका वडा नं. १ स्थित शिव मन्दिर टोलमा नरेश राउतको छोरीको विबाहको मटकोर पुजामा गाउँका मान्छेहरु जम्मा भई सामुहिक गित गाउने क्रममा अचानक माईकबाट करेन्ट लाग्दा ७ जना घाईत भएको जिल्ला प्रहरी कार्यलय रौतहटले जनाएको छ ।
सोही ठाउँ बस्ने नरेश राउतको बहिनी बर्ष ३० की सम्घरिया देवीलाई थप उपचारको लागी सुकदेवचोक स्थीत शिबदर्शन अस्पतालमा पठाईएकोमा उपचारको क्रममा मृत्यु भएको प्रहरीले जनाएको छ ।
सो घटनामा बर्ष ६५ की मन्तोरिया देवी, बर्ष ७० को मुनि राउत, बर्ष ६५ की केवला देवी, बर्ष ७५ की हिरिया देवी, बर्ष ५५ की शुसिला देवी, र जिल्लाको दुर्गाभगवती गाउपालिका १ पिपरा बस्ने महेन्द्र राउतको श्रीमति बर्ष ३५ की सिता देवी राउत बरै बर्ष ३५ की अनिता देवी राउत घाईते भएकी हुन ।
घाईतेहरूको स्थानिय मेडिकल बाग्मतिमा उपचार भईरहेको र घटना सम्बन्धमा थप अनुसन्धान भईरहेको जिल्ला प्रहरी कार्यालय रौतहटले जनाएको छ ।