रौतहटको कटहरियामा चोरीका औजारसहित प्रहरीले ४ जनालाई पक्राउ गरेको छ । कटहरिया नगरपालिकाको वडा नम्बर ५ बस्ने थरुवा भन्ने बिजय कुमार यादबको घरमा सुरुङ खनी घर भित्र प्रवेश गरी चोरी गरीरहेको अवस्थामा सोही स्थानका २० बर्षिय अगम यादबलाई घर धनीले स्थानिय मानिसहरुको सहयोगमा नियन्त्रणमा लिइएको जनाइएको छ ।
स्थानियले नियन्त्रणमा लिएपछि स्थानियले प्रहरीलाई खबर गरेको थियो । सुचना प्राप्त हुनसाथ ईलाका प्रहरी कार्यालय गरुडा रौतहटबाट खटिएका प्रहरी टोलीले अगम यादबलाई पक्राउ गरी सोधपुछ गर्दा अन्दाजी बर्ष २० को गुडु यादब, अन्दाजी बर्ष २० को सुधिर कुमार साह र अन्दाजी बर्ष १८ को शेख ईर्साद समेत संलग्न भई चोरी गर्न आएको भनि बताएकोले निजहरुलाई समेत तत्कालै खोज तलास गरि कटहरिया बजारमा लुकीछिपी बसेको अवस्थामा निजहरुलाई पक्राउ गरेको छ ।
चोरी गर्नलाई लिई गएको फलामको धारिलो दबिया १ थान र फलामको खन्ती १ थान बरामद गरी जिल्ला अदालत रौतहट गौरबाट ५ दिनको म्याद थप गरि न्यायीक हिरासतमा राखी अनुसन्धान भई रहेको इलाका प्रहरी कार्यालय गरुडाले जनाएको छ ।