रबिन्द्र प्रजापति, पुस २६ गते रौतहट ।
प्रतिबन्धीत लागु औषधसहित एक जनालाई पर्सा प्रहरीले पक्राउ गरेको छ।
पक्राउ पर्नेमा पर्साको धोबिनी गाउँपालिका वडा नम्बर २ आशवारी निवासी १९ वर्षीय पृथ्वी सिँह कुर्मी रहेका छन्।
पैदल हिँडिरहेका कुर्मीलाई शंका लागि चेकजाँच गर्दा उनले बोकेको चामलको बोराभित्र लुकाईछिपाई ल्याइएको नुफ्रिन २ सय ५० एम्पुल, डाइजीपाम २ सय ५० एम्पुल र फेनारगन २ सय ५० एम्पुल गरी जम्मा ७ सय ५० एम्पुल लागुऔषध बरामद भएको जिल्ला प्रहरी कार्यालय पर्साका प्रहरी प्रवक्ता ओमप्रकाश खनालले जानकारी दिए ।
लागुऔषधसहित पक्राउ परेका कुर्मीलाई लागु औषध सम्बन्धी कसूरमा आवश्यक अनुसन्धान भईरहेको उनले पर्सा प्रहरी प्रवक्ता खनालले बताए।