बाघको आक्रमणबाट बारामा एक जनाको मृत्यु

रबिन्द्र प्रजापति, चैत २९ गते रौतहट ।
बाघको आक्रमणबाट बारामा एक जनाको मृत्यु भएको छ । बाराको जितपुरसिमरा उपमहानगरपालिका १६ टागियाबस्तीका ३१ वर्षीय सुरेस मगरको मृत्यु भएको प्रहरीले जनाएको छ ।
सोमबार दिउँसो कोल्हवी नगरपालिका वडा नम्बर २ स्थित तामागढी साझेदारी वनमा घाँस काट्न गएका ४ जनामध्ये मगरलाई बाघले आक्रमण गरेको थियो ।
आक्रमणमा परी घाइते भएका उनलाई उपचारको लागि अस्पताल लैजाने क्रममा बाटोमै मृत्यु भएको प्रहरीले जनाएको छ ।