रबिन्द्र प्रजापति, मंसिर १० गते रौतहट ।
धनुषामा बालुडा लोड गरेको ट्याकटरमा इन्जिनले च्यापिएर चालकको ज्यान गएको छ ।
धनुषाको मिथिला नगरपालिका ७ का चालक २५ वर्षीय चेतन महतोको च्यापिएर शुक्रबार बिहान ज्यान गएको हो ।
नक्टाझिजमा ज १ त ४१७२ नम्बरको ट्याक्टरले बालुवा अनलोड गर्ने क्रममा इन्जिन माथि उठेर चालक महतो च्यापिएर उनको घटनास्थलमै मृत्यु भएको इलाका प्रहरी कार्यालय सखुवा महेन्द्रनगरले जनाएको छ ।
महतोको शव पोस्टमार्टमको लागि प्रादेशिक अस्पताल जनकपुरमा राखिएको र घटना विषयमा थप अनुसन्घान भइरहेको प्रहरी निरीक्षक तिलक सुनारले जानकारी दिए ।