ग्राइभेल अवैध उत्खनन गर्ने स्काइभेटर र टिपरलाई धनुषका स्थानीयद्धारा नियन्त्रणमा
रबिन्द्र प्रजापति, मंसिर १५ गते रौतहट ।
धनुषामा रातिराति चोरेर खोलामा ग्राइभेल अवैध उत्खनन गर्ने स्काइभेटर र टिपरलाई स्थानीयले नियन्त्रणमा लिएर प्रहरीको जिम्मा लगाएका छन् ।
धनुषाको बटेश्वर गाउँपालिका ३ स्थित सुक्जो खोलामा राति चोरेर खोला उत्खनन गर्ने चेन भएको १४० एनएक्सजी स्काइभेटर र प्रदेश २-०३-००१- क ०१२३ नम्बरको टिपर नियन्त्रणमा लिएको बटेश्वर प्रहरीचोकीले जनाएको छ ।
प्रहरीका अनुसार सो टिपर र स्काइभेटर ढल्केवरको साथी कन्ट्रक्सनको रहेको छ । सो क्रममा स्काइभेटरकमा स्थानीयले तोडफोड समेत गरेका छन् भने ठेकेदारलाई समेत हातपात गरेको बुझिएको छ ।
दुबै गाडीलाई कारबाहीको लागि जिल्ला समन्वय समति धनुषालाई जिम्मा लगाइने बटेश्वर प्रहरीचोकीले जनाएको छ ।
रातिको समयमा खोलामा १०-१५ फिटसम्म चोरेर खन्ने गरेकाले गाउँलेहरु पुगेर नियन्त्रणमा लिइ प्रहरीको जिम्मा लगाएको स्थानीय विशेश्वर सिंहले बताए ।
उनले स्थानीय जनप्रतिनिधिले कमिसन लिएर खोला खनाउने गरेको गुनासो गरे ।