कटहरिया एरियाबाट पराल मुनी लुकाएर राखेको काठ सशस्त्र प्रहरीद्वारा बरामद

रबिन्द्र प्रजापति, माघ १९ गते रौतहट ।
रौतहटको कटहरिया एरियाबाट पराल मुनी लुकाएर राखेको काठ सशस्त्र प्रहरीले बरामद गरेको छ
जिल्लको कटहरिया नगरपालिका—९ टोल डुमरियाको पुल छेउ को खेतमा पराल मुनि लुकाइराखेको ४ वटा सालको गोलिया सशस्त्र प्रहरीको टोलिले बरामद गरेको हो ।
पराल मुनी लुकाइ छिपाइ राखेको ४ वटा सालको गोलिया झन्डै २३ क्युफिट काठ मंगलबार सांझ विशेष सूचनाको आधारमा सशस्त्र बेस क्याम्प दुधियाभारका प्रमुख ईन्स्पेक्टर मदन रसाइलीको कमान्डमा अस्थायी बेस क्याम्प पोखरभिण्डाबाट गएको संयुक्त टोलीले काठ बरामद गरि जंगलसहिया सब डिभिजन वन कार्यालयमा बुझाइएको तथा उक्त काठ कसले त्यहाँ राखेको हो सो बारे अनुसंधान भैरहेको सशस्त्र प्रहरी ११ नम्बर हेक्वा रौतहटका प्रमुख एसपी ध्रुव कार्कीले जानकारी दिए ।