रबिन्द्र प्रजापति, चैत १२ गते रौतहट ।
सप्तरीबाट ७८ किलो गाँजा सशस्त्र प्रहरीको टोलीले बरामद गरेको छ । सशस्त्र प्रहरी बलको ६ नम्बर गणबाट खटिएको सशस्त्र प्रहरी उपरीक्षक प्रदीप खड्काको टोलीले शनिबार बिहान कोसी ब्यारेजनजिकबाट ७८ किलो गाँजा बरामद गरेको हो । प्लास्टिकको प्याकेट मा १/१ किलो गाँजा प्याक गरेर प्लास्टिकले बेरेर बोरामा राखिएको अवस्थामा भेटिएको खड्काले जानकारी दिए । गोप्य सूचनाका आधारमा गएको टोलीले नहरछेउको झाडीमा लुकाइराखिएको अवस्थामा गाँजा बरामद गरेको हो ।