रबिन्द्र प्रजापति, चैत २६ गते रौतहट ।
जनकपुरबाट हातहतियारस दुई जना पक्राउ परेका छन ।
पक्राउ पर्नेमा जनकपुर उपमहानगरपालिका–४ बस्ने ३० वर्षीय इन्द्रेशकुमार सिंह र सोही उपमहानगरपालिका–८ बस्ने १९ वर्षीय अर्जुनकुमार सिंह रहेको प्रहरीले जनाएको छ ।
जनकपुर उपमहानगरपालिका–१० बाट एक थान पेस्तोल र एक थान पेस्तोलको म्याग्जिनसहित प्रहरीले दुबै जनालाई पक्राउ गरेको छ । शनिबार बिहान विशेष सूचनाको आधारमा जिल्ला प्रहरी कार्यालय धनुषाबाट खटिएको प्रहरीले उनीहरूलाई नियन्त्रणमा लिएको हो
उनीहरूको साथबाट ज ७ प ७९३२ नम्बरको मोटरसाइकलसमेत बरामद गरेको प्रहरीले जनाएको छ।