रबिन्द्र प्रजापति, बैशाख २३ गते रौतहट ।
पर्सामा ठुलो परिमाणमा लागूऔषध सहित एक युवक पक्राउ परेका छन् ।
पक्राउ पर्नेमा भारतको विहार राज्य जिल्लाको मोतीहारी थाना रामगढवा बेलाहा–१० का २२ वर्षीय असरफ अलीरहेको जिल्ला प्रहरी कार्यलय पर्साले जनाएको छ
शुक्रवार विहान पर्साको वीरगञ्ज महानगरपालिका–१६ रजतजयन्ती चोकमा खटेको प्रहरीको नियमित चेकिङ टोलीले जाँच गर्ने क्रममा भारतबाट नेपाल प्रवेश गर्दै गरेका अलीलाई पक्राउ गरेको जिल्ला प्रहरी कार्यालय पर्साले जनाएको छ ।
हाँतमा मोबिलको डिब्बा बोकी शंकास्पदरूपमा भारत रक्सौलबाट वीरगञ्जतर्फ आउँदै गरेका अलीलाई रोकी जाँच गर्दा मोबिलको डिब्बाबाट लागूऔषध नुरफिन २९१ एम्पुल, फेनारगन २९१ एम्पुल र डाइजेपाम २९१ एम्पुल गरी जम्मा ८७३ एम्पुल फेला परेको हो ।
पक्राउ परेका युवकलाई नियन्त्रणमा लिई लागूऔषध सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साले जनाएको छ ।