रौतहटमा बर्दीमै नाचेर भाइरल बनेको नेपाल प्रहरीका सई धनुषा गणमा तानिए

बौधिमाई
भदौ ५ गते रौतहट ।
नेपाल प्रहरीको बर्दीमा रौतहटमा अर्केष्ट्रामा नाच्ने प्रहरी नायव निरीक्षक ९सई० धनुषा गणमा तानिएका हुन् ।
पदीय आचरण विपरीत सार्वजनिक स्थानमा अर्धनग्न नर्तकीहरुसँग नाचेको भिडियो सार्वजनिक भएपछि उनीमाथि कारबाहीको प्रक्रिया सुरु भएको हो ।
सई राजकिशोर साहको बर्दीमै नाचेको भिडियो सार्वजनिक भएपछि उनीमाथि अनुसन्धान गर्न धरमपुर चौकीको प्रमुखको जिम्मेवारी खोसेर धनुषा गणमा पठाइएको जिल्ला प्रहरी कार्यालय रौतहटका प्रवक्ता सुनिल मल्लले जानकारी दिए ।
रौतहटको गढीमाई नगरपालिकाको ६ धरमपुरमा कृष्ण जन्माष्टमीको अवसरमा लागेको मेलामा प्रहरी नायव निरीक्षक राजकिशोर साह भोजपुरी गीतमा नाचेका थिए ।
अर्धनग्न नर्तकीहरुसँग उनी नाचेको भिडियो अहिले सामाजिक सञ्जालमा भाइरल बनेको हो । सभार टुडेपाटी