असोज २५ गते पर्सा ।
पर्सा प्रहरीले ९ किलो गाँजा सहित २ जनालाई पक्राउ गरेका छन ।
पक्राउ पर्नेहरुमा पर्साको धोबिनी गाउँपालिका वडा नम्बर १ का ४५ बर्षिय नन्दलाल दास र छिपहरमाइ गाउँपालिका वडा नम्बर ३ का ३३ बर्षिय बाघा यादव रहेको प्रहरीले जनाएको छ ।
ईलाका प्रहरी कार्यालय सेढवाबाट प्रहरी नायव निरिक्षक प्रकाश महतोको नेतृत्वमा खटिएको गस्ती टोलीले जिराभवानी गाउँपालिका वडा नम्बर १ जगतियाबाट उनीहरुलाई ९ किलो गाजा सहित पक्राउ गरेको हो ।
भारतीय नम्बरको मोटरसाइकल बीआर २२ के २१८० मा सवार भइ ठोरी गाउँपालिकाको बिजयबस्तीबाट आउदै गरेको अवस्थामा उनीहरुलाई प्रहरीले पक्राउ गरेको थियो । पक्राउ परेकाहरु उपर थप अनुसन्धानका लागि जिल्ला प्रहरी कार्यालय पर्सामा पठाइएको ईलाका प्रहरी कार्यालय सेढवाले जनाएको छ ।