कटहरियामा आधारभुत पत्रकारिता तालिम सम्पन्न

रबिन्द्र प्रजापति, रौतहट । असार २३ गते ।
रौतहटको कटहरियामा ५ दिने आधारभुत पत्रकारिता तालिम सम्पन्न भएको छ । जिल्लाको कटहरिया नगरपालिका वडा नं. ५ स्थित श्री जनता मा. बि. कटहरियामा शनिबार ५ दिने आधारभुत पत्रकारिता तालिम सम्पन्न भएको छ ।
कटहरिया नगरपालिकाको सहयोग तथा लालबकैया मिडिया प्रा।लि। को आयोजनामा ५ दिने आधारभुत पत्रकारिता तालिम सम्पन्न भएको छ ।
सो कार्यक्रमको प्रमुख अतिथि कटहरिया बहुमुदि क्याम्पसका प्रमुख गजेन्द्र यादव रहनुभएको थियो, भने विशिष्ट अतिथिहरुमा नेपाल पत्रकार महासंघ रौतहटका अध्यक्ष प्रेमचन्द्र झा, नेपाल पत्रकार प्रेस मञ्च रौतहटका जिल्ला अध्यक्ष किशोरी यादव, कटहरिया नगरपालिकाका प्रेस सल्लाहकार प्रकाश श्रेष्ठ रहनु भएको थियो ।
पत्रकारिता पढ्दै गरेका र पत्रकारिता सिक्न चाहने उक्तसंस्थासङ आबद्ध किशोर किशोरीलाई तालिम प्रदान गरिएको हो । पत्रकारिताको माध्यमबाट लघु उद्यमको प्रवर्धन तथा विकासमा जोड दिने उद्देश्यले आयोजना गरिएको आधारभूत तालिम शनिबार सम्पन्न भएको हो ।
समापन समारोहमा नेपाल पत्रकार महासंघ रौतहटका अध्यक्ष झाले सूचनाका माध्यमबाट समाज परिर्वतनको दिशामा अघि बढाउन आमसञ्चार संस्था तथा सञ्चारकर्मीको योगदान अमूल्य हुने बताउनुभयो । ५ दिने अधारभुत पत्रकारिता तालिममा सहभागी सबै किशोर किशोरीलाई टिका लगाई प्रमाण पत्र हस्तान्त्रण गराई सम्पन्न गरिएको छ ।