सर्लाहीमा मोटरसाइकल दुर्घटना, एक जनाको मृत्यू

बौधिमाइ न्यूज डेक्स, पौष ०८ गते सर्लाही ।
सर्लाहीमा मोटरसाइकल दुर्घटना हुँदा एक युवकको मृत्यु भएको छ। जिल्लाको विष्णु गाउँपालिका-६ मा शनिबारराती पौने १० बजेको समयमा बिआर ३० डब्लु ६३९० नम्वरको मोटरसाइकल आफैं अनियन्त्रित भई दुर्घटना हुँदा त्यसका चालक कौडेना गाउँपालिका-६ का २० वर्षीय इन्दल सहनीको मृत्यु भएको जिल्ला प्रहरी कार्यालय सर्लाहीले जनाएको छ। मृतकको शव पोष्टमार्टमका लागि प्रादेशिक अस्पताल मलंगवामा लगिएको छ। घटनाबारे अनुसन्धान भइरहेको प्रहरीले जानकारी दिएको छ।