पर्यटन विकास कार्यलय गाैर राैतहटको भौतिक काममा तीव्रता, प्रमुख जयसवालको सक्रियताको चौतर्फी प्रशंसा।
असार -१३ कटहरिया, रौतहट।
पर्यटन विकास कार्यलय गाैर राैतहटका प्रमुख वबिता जयसवालले जिम्मेवारी सम्हाले देखि जिल्लाको समग्र विकास निर्माण र कार्यालयको प्रशासनिक कामकाजले नयाँ गति लिएको छ। जिल्लाको चौतर्फी विकास र अधुरा आयोजनाहरूलाई समयमै सम्पन्न गराउन प्रमुख जयसवालले चाल्नुभएको कदम यतिबेला निकै प्रभावकारी प्रमाणनित भइरहेको छ।
कार्यालय प्रमुख जयसवालआफैं अहोरात्र खटिएर जिल्लाको आवश्यकता र जनताको चाहना अनुसारका योजनाहरूलाई द्रुत गतिमा अगाडि बढाउनु भएको छ। उहाँको नेतृत्व र सक्रियताका कारण लामो समयदेखि सुस्त रहेका विकास निर्माणका कामहरूले अहिले निकै तीव्रता पाएका छन्।
इस्टिमेट अनुसारकै काम गराउन हाकिम आफैं फिल्डमा निरीक्षण गर्दै विकास निर्माणका कार्यहरूमा गुणस्तर कायम राख्न प्रमुख जयसवालले विशेष ध्यान दिनुभएको छ। योजनाहरूमा कुनै पनि सम्झौता नहोस् र कार्यालयको प्राविधिक ‘इस्टिमेट’ अनुसार नै दुरुस्त काम होस् भन्नका लागि उहाँले इन्जिनियर र सुपरभाइजरहरूको विशेष टोलीलाई निरन्तर फिल्डमा खटाउनु भएको छ।
प्राविधिक टोलीले प्रत्येक योजनाको स्थलगत अनुगमन गरी इस्टिमेट अनुसार काम भए/नभएको सुक्ष्म रूपमा हेरिरहेका छन्। प्रमुख जयसवालको यो कडा र पारदर्शी कार्यशैलीका कारण ठेकेदार तथा उपभोक्ता समितिहरू सजग भएका छन् भने कामको गुणस्तर पनि उत्कृष्ट देखिएको छ।
कार्यालयको आन्तरिक व्यवस्थापन चुस्त दुरुस्त बनाउनुका साथै सेवाग्राहीका कामहरू बिना झन्झट छिटो-छरितो रूपमा सम्पन्न गर्ने परिपाटीको विकास प्रमुख जयसवालले गर्नुभएको छ। उहाँ आएपछि कार्यालयको छवि समेत सुध्रिएको स्थानीय सरोकारवालाहरू बताउँछन्।