कटहरिया नपाको १ नम्बर वडा कार्यालयमा ताला लगाईयो

रौतहटको एक वडामा कार्यालय समयमा नखुलेको भन्दै युवाहरुले कार्यालय बन्द गरेका छन । जिल्लाको कटहरिया नगरपालीका वडा नम्बर १ भसेड्वामा रहेको वडा कार्यालय समयमा नखुलेको भन्दै स्थानिय युवाहरुले कार्यालय बन्द गरेका हुन ।

बिहिवार करिव १२ बजेको समयमा कार्यालय खोल्न पुगेका वडा कार्यालयका कर्मचारिहरुलाई सवा १० बजे नै कार्यालयमा पुगेका युवाहरुले कार्यालय खोल्न नदिएका हुन । बिशेष कामले वडा कार्यालयमा पुगेका उनिहरुले मध्य दिन सम्म पनी कार्यालयमा कर्मचारि उपस्थित नहुनु र वडा कार्यालय सम्म नखुल्दा वडावासि मर्कामा परेको बताएका छन ।

उनिहरुका अनुसार वडा कार्यालयका कर्मचारिको मनोमानी बढेको, समयमा र नियमित कार्यालयमा उपस्थित नहुने गरेको, वडा प्रमुखले समेत वडावासिको काममा ध्यान नदिएको भन्दै युवाहरुले मध्यदिनमा कार्यालय खोल्न पुगेका कर्मचारिलाई कार्यालय खोल्न नदिएर फर्काईदिएका छन ।

सो क्रममा कार्यालय खोल्न पुगेका कर्मचारिले किन, के काम छ भन्दै जे गर्न मन लाग्न त्यहि गर्, जस्लाई भन्नु छ त्यस्लाई भन भन्दै रिसाएर घर फर्किएको भिडियो सार्वजनिक भएको छ ।