प्रत्रकार महा संग रौतहटमा ४ पत्रकारको कडा भिन्डन्त

सागर ठाकुर,
रौतहट, चैत्र २५

आज बुधबार हुने नेपाल पत्रकार महासंघको निर्वाचनमा अध्यक्ष पदमा ४ जना पत्रकारहरुबिच कडा प्रतिस्पर्धा हुने आंकलन गरेका छन । अध्यक्ष पदका लागी ७ जनाको उम्मेदवारी मनोनयन दर्ता भएको भएपनि ३ जनाले सोमबार उम्मेदवारी फिर्ता लिएका हुन ।

पत्रकार महासंघ रौतहट शाखाको अध्यक्ष पदमा प्रेस मन्चबाट रबिन्द्र साह, प्रेस चौतारी ओली समुहबाट गौतम श्रेष्ठ ,माधव नेपाल समुहबाट प्रेमचन्द्र झा, स्वतन्त्रबाट संजय मिश्रा, शैलेन्द्र गुप्ता, फणिदेव महत र संजय कुमार कार्कीले उम्मेदवारी मनोनयन गर्नु भएको थियो ।

तर अन्तिम समयमा संजय मिश्रा, फणिदेव महत र शैलेन्द्र गुप्ताले सोमबार उम्मेदवारी फिर्ता लिनु भएको थियो । मिश्रा, गुप्ता र महतले उम्मेदवारी फिर्ता लिएपछि गौतम श्रेष्ठ, रविन्द्र साह, प्रेमचन्द्र झा र संजय कार्कीबीच अध्यक्षमा कडा प्रतिस्पर्धा हुने भएको छ । पत्रकार महासंघ रौतहटमा ५६ पत्रकारहरुले मतदान गर्न पाउने छन ।