पञ्च निम्न माध्यामिक विद्यालयका २० जना छात्राले पाए साइकल

सरिता कुशवाहा
रौतहट बैशाख १८ गते

रौतहटको चन्द्रपुर नगरपालिकाका २० जना छात्राहरुलाई साइकल वितरण गरिएको छ । रौतहटको चन्द्रपुर नगरपालिकाको वडा नम्बर ९ स्थित पञ्च निम्न माध्यामिक विद्यालयका कक्षा ८ मा अध्ययनरत २० जना छात्राहरुलाई शुक्रबार साइकल वितरण गरिएको प्रधानाध्यापक गगनदेव यादवले बताउनु भयो ।

प्रदेश २ को बेटी पढाउ , बेटी बचाउ कार्यक्रम अन्र्तगत रौतहट क्षेत्र ४ प्रदेश सांसद धनलाल थोकरको पहलमा प्रदेश सरकारबाट सो साइकल वितरण गरिएको विद्यालय ब्यबस्थापन समितिका अध्यक्ष प्रभु नारायण चौधरीले बताउनु भयो । विद्यालय आवत जावत गर्न पैदल यात्रा गर्दै आएका छात्राहरुले साइकल पाइपछि  आफुहरुलाई अध्ययन गर्न प्रोत्साहन प्राप्त भएको छात्राहरुले बताएका छन ।