रौतहटमा माधवनारायणमा पानी ट्याङकीको शिलान्यास
रौतहटको माधवनारायण नगरपालिकामा खानेपानी ट्याङकीको शिलान्यास गरिएको छ ।
रौतहटको माधवनारायण नगरपालिकाको वडा नम्बर ६ माधोपुरमा शनिबार एक कार्यक्रमकाबिच खानेपानीका ट्याङ्कीको शिलान्यास गरिएको हो ।
सो नगरपालिकामा करोडौंको लागतमा निर्माण हुने खानेपानी ट्याङ्कीको वडा नम्बर ६ का वडा अध्यक्ष राजीव यादव र महन्थ राम विलास दासले संयुक्त रूपमा शिलान्यास गर्नु भएको जनाइएको छ ।
माधवनारायण नगरपालिकाका नागरिकहरुले शुद्ध खानेपानीका अभावमा आर्सनिक युक्त कलको पानी पिउदै आएका थिए । कलको पानीले भाडाहरुमा समेत पहेलो बनाउने र पानीको स्वादमा समेत गन्ध आउने गरेको छ ।
सो स्थानका नागरिकहरुले सोही पानी प्रयोग गर्दे आइरहेका छन तर अब पानी ट्रयाङ्कीको निर्माण यथासिध्र सम्पन्न गरि नागरिकहरुलाई शुद्ध पानीको ब्यबस्थापन हुने वडा अध्यक्ष यादवले बताउनु भयो ।