रौतहटको गौरमा धान रोप्ने क्रममा एकको मृत्यु

रौतहट १६ असार । रौतहटमा धान रोप्ने क्रममा बुधबार एक जनाको मृत्यु भएको छ । रौतहटको गौर नगरपालिकाको वडा नम्बर ४ टिकुलियाका बर्ष २५ का प्रमोद चन्द्रबंसी धान रोप्दा रोप्दै एक्कासी खेतमा नै लडेका थिए । खेतमा नै धान रोप्दै गरेका चन्द्रबंसी अचानाक लडेपछि केही समयमा मृत्यु भएको प्रत्यक्षदर्शीहरुले बताएका छन । टिकुलियाका चन्द्रबंसी धान रोपाईका लागी लालबकैया पारी खेतमा गएका थिए । अचनाक खेतमा मृत्यु भएपछि शव पोष्टमार्टमका लागी जिल्ला अस्पताल गौरमा पठाइएको प्रहरीले जनाएको छ । चन्द्रबंसीको मृत्यु हुनुका कारण बारे खुल्न सकेको छैन । आवश्यक अनुसन्धान गरिरहेकाले अहिले नै केही भन्न नसकिने प्रहरीले जनाएको छ ।