रौतहटको राजपुर नगरपालिकामा करेन्ट लागेर एक जनाको मृत्यु

रौतहटमा शनिबार करेन्ट लागेर एक जनाको मृत्यु भएको छ । रौतहटको राजपुर नगरपालिकाको वडा नम्बर ३ डमार टोलका १४ बर्षिय रिजमान महम्द तेलीको शनिबार करेन्ट लागेर मृत्यु भएको हो ।

शनिबार दिउँसो तेलीले मोटर चलाएर साइकल धोएका थिए । सोही क्रममा अचानक करेन्ट लागेर तेलीको मृत्यु भएको इलाका प्रहरी कार्यालय राजपुरका ईन्र्चा सुरेश गुप्ताले बताउनु भयो । मृतक तेलीको शव जिल्ला अस्पताल गौरमा पोष्टमार्टका लगिएको प्रहरीले जनाएको छ ।