गरुडामा शान्ति सुरक्षा अपराध रोकथाम तथा नियन्त्रण सम्बन्धि अन्तरक्रिया कार्यक्रम सम्पन्न

सागर संगम ठाकुर । रौतहट भदौ १९ गते
रौतहटमा शान्ति सुरक्षा अपराध रोकथाम तथा नियन्त्रण सम्बन्धि अन्तरक्रिया कार्यक्रम सम्पन्न भएको छ ।
ईलाका प्रहरी कार्यालय गरूडाको सभा हलमा प्रहरी नायव उपरिक्षक श्रीराम भण्डारीले मातहतका सम्पुर्ण सुरक्षा निकायहरुलाई शान्ति सुरक्षा अपराध रोकथाम तथा नियन्त्रण सम्बन्धि छलफल तथा आवश्यक निति निर्देशन दिनु भएको छ ।
शनिबार इलाका प्रहरी कार्यालय गरुडामा एक कार्यक्रमको आयोजना गरि सो इलाकामा कार्यरत सम्पुर्ण प्रहरी लगायत युनिट इन्चार्जहरुलाई पछिल्लो समय रौतहटमा भइरहेको अपराधका घटनाहरु र त्यसको न्युनिकरणका लागी छलफल गरेको प्रहरी नायव निरिक्षक भण्डारीले बताउनु भयो ।
रौतहटमा बिशेष गरि चोरी , भन्सार छलि लगायत लागुऔषध ओसारपसार जस्ता अपराधिक घटनाहरुमा बृद्धि हुदै गएकोले त्यसको नियन्त्रण तथा निगरानी बढाउन भण्डारीले निर्देशन समेत दिनु भएको इलाका प्रहरी कार्यालय गरुडाले जनाएको छ ।