रौतहटको कटहरिया लालबकैया नदिमा डुबेर एकजना वृद्धको मृत्यु
रबिन्द्र प्रजापति, पुस ०८ गते रौतहट ।
कटहरिया ४ टोलापुरका बेपता रहेको महतोको शव लालबकैया नदिमा फेला परेको छ
रौतहटको कटहरिया नगरक्षेत्र अन्तर्गत लालबकैया नदीमा डुबेर कटहरिया ४ टोलापुरका ६० वर्षीय नागेन्द्र महतोको मृत्यु भएकोे इलाका प्रहरी कार्यालय कटहरियाका प्रमुख सई सुरेश गुप्ताले बताए ।
मृतकको शव पोस्टमार्टमको लागि जिल्ला अस्पताल गौर पठाइएको तथा घटना बारे अनुसन्धान भइरहेको प्रहरीले जनाएको छ ।
मृतक नागेन्द्र महतो पछिल्लो केही दिनदेखि घरबाट हराइरहेकाले उनको एक दुई दिन अघि नै डुबेर मृत्यु भएको हुनसक्ने प्रहरीको प्रारम्भिक अनुमान रहेको छ ।