कटहरिया स्थित लालबकैया नदीमा महिलाको शव फेला

रबिन्द्र प्रजापति, रौतहट । असार ३० गते ।
रौतहटको लालबकैया नदीमा एक महिलाको शव फेला परेको छ । जिल्लाको कटहरिया नगरपालिका वडा नम्बर ४ हर्षाहा स्थित लालबकैया नदिमा महिलोको शव फेला परेको प्रहरीले् जनाएको छ ।
लालबकैया नदीमा गुजरा नगरपालिका वडा नं. ४ बौधि टोल बस्ने बलबहादुर मगरको श्रीमती वर्ष ७० की रत्न माया मगरकी शव फेला परेको ईलाका प्रहरी कार्यालय गरुडाका डिएसपी ओमप्रकाश खनालले जानकारी दिए ।
लालबकैया नदीमा आएको बाढीले मगरलाई बगाएको पिडित परिवारले बताए । अविरहल वर्षाले लालबकैयामा शुक्रबार आएको बाढीले मगरलाई बगाईएको र उनकी शव शनिबार फेला परेको डिएसपी खनालले जानकारी दिनु भयो ।
स्थानीयले लालबकैया बाँधको ढुुङ्गा अडकीएको अवस्थामा उनकी शव फेला परेको प्रहरीले बताए । स्थानीयले महिलाको शव देखेपछि प्रहरीलाई खबर गरेको थियो । खबर प्रप्तका साथै ईलका प्रहरी कार्यालय गरुडाबाट डिएसपी खनालसहित प्रहरी टोलीले घटना स्थलमा पुगे ।
मृतकको शव पोष्टमार्टमका लागि जिल्ला अस्पताल गौर पठाइएको डिएसपी खनालले बताए । घटनाको थप अनुसन्धान भइरहेको प्रहरीले जनाएको छ ।