गरूडा नगर उद्योग वाणिज्य संघको नवनिर्मित भवनको उद्घाटन

रबिन्द्र प्रजापति, रौतहट । असार ३० गते ।
रौहतटको मध्य भाग गरुडामा गरुडा नगर उद्योग वाणिज्य संघको नवनिर्मित भवनको उद्घाटन भएको छ । जिल्लाको गरुडा नगरपालिका वडा नम्बर ४ मा निर्माण भएको एक तले भवनको उद्घाटन नगरप्रमुख कन्थमनी जयसवालले गरेका छन । शनिबार एक कार्यक्रमका बिच नगरप्रमुख जयसवालले समुदघाटन गर्नु भएको हो ।
गरूडा नगर उधोग वाणिज्य संघका अध्यक्ष हरेन्द्र प्रसाद चौधरीको अध्यक्षतामा भएको कार्यक्रम लाई उधोग वाणिज्य संघका संतोष चौधरीले सञ्चालन गर्नु भएको थियो । कार्यक्रममा स्वागत मन्तव्य शिवजी साहले राख्नु भएको थियो ।
पुरानो भवन जिर्ण भएकोले ५३ लाखको लागतमा गरूडा नगर उद्योग वाणिज्य संघको भवन निर्माण भएको मेयर जयसवालले बताए ।
शनिबार उद्घाटन समारोहमा प्रमुख अतिथि नगरप्रमुख जयसवालले भवन निर्माणको काम ऐतिहासिक रहेको बताउनु भयो । आफू सधैं व्यापारीहरूको हकहितको लागि लड्दै आएको स्मरण गराउनु भयो । उधोग वाणिज्य संघ सम्म आउने सडक ढलान देखि दोस्रो तल्ला पनि निर्माण गराउने प्रतिबद्धता जनाउनु भयो । नगरभरी आवश्यकता परेको ठाउँहरूमा घुम्ती सौचालय सञ्चालन हुने नगर प्रमुख जयसवालले बताए ।
यस अघिको समुदघाटन कार्यक्रम स्थगित हुन पुगेकोमा आफू दुःख लागेको अध्यक्ष चौधरीले बताउनु भयो । आफनो कार्यकालमा यो उदाहरणीय काम गर्न सफल भएको बताए ।
सो अवसरमा गरूडा नपाका पूर्व उपमेयर रंगिला देवी जयसवाल,वडा नम्बर ४ का वडा अध्यक्ष सुनिल कुमार जयसवाल,वडा नम्बर ५ का वडा अध्यक्ष रामबिनोद जयसवाल,सुनचाँदी व्यवसायी संघ मधेस प्रदेश अध्यक्ष रामजी साह,गरूडा नपाका मेयर प्रत्यासी अनिल यादव,दलित विकास समिति मधेस प्रदेश सदस्य राजकुमार दास,गरूडा बहुमुखी क्याम्पसका अध्यक्ष लक्षमण प्रसाद साह ,स्थानीय व्यापारी,सुरक्षाकर्मी,सञ्चारकर्मी लगायतको उपस्थिति रहेको थियो ।