रबिन्द्र प्रजापति, चैत १५ गते । रौतहट ।
रौतहटमा आगलागी हुँदा लाखौंको क्षति भएको छ ।
जिल्लाको मध्य भागमा अवस्थित गरुडा नगरपालिका वडा नम्बर ४ गरुडा बाजारमा भएको प्रहरीले जनाएको छ ।
ईलाका प्रहरी कार्यालय गरुडाले दिएको जानकारी अनुसार आगलागीबाट पाँच घर जलेर नष्ट भएको छ ।
आगलागीबाट १३ लाख बराबरको क्षति भएको ईलाका प्रहरी कार्यालय गरुडाका डिएसपी राजन कार्कीले जानकारी दिनु भएको छ।
गरुडा तरकारी बजारमा रहेको फुस्को घरहरु मध्य ५ वटा घरमा बिहान करिब ९ बजे बजेको समयमा भिषन आगलागी भएको थियो ।
आगलागीबाट घरमा राखिएको दुईवटा ग्याँस सिलिण्डर विष्फोट भएको छ। ग्याँस सिलिण्डर विष्फोट भएपनि मानवीय क्षती नभएको डिएसपी कार्कीले जानाकरी दिनु भयो ।
आगलागी भएको खबर प्राप्त भएपछि आगोलाई नियन्त्रणमा लिनका लागी गरुडा नगरपालिकाबाट दमकल पुगेको थियो तर उक्त दमकलले आगोलाई पूर्ण रूपमा नियन्त्रणमा लिन नसकेपछि गौर नगरपालिकाको बारुण यन्त्र समेत पुगेको थियो ।
घटनाको सम्बन्धमा थप अनुसन्धान भईरहेको ईलाका प्रहरी कार्यालय गरुडाले जनाएको छ ।
