जिल्ला प्रशासन कार्यालय रौतहटलाई कम्प्युटर हस्तान्तरण
जिल्ला प्रशासन कार्यालय रौतहटलाई सेन्चुरी कमर्सियल बैक गरुडा शाखाले कम्प्युटर हस्तान्तरण गरेको छ ।
प्रशासनिक कार्यको लागि सेन्चुरी कमर्सियल बैंक गरुडा शाखाले जिल्ला प्रशासन कार्यालय रौतहटमा मंगलवार एक समारोहका विच एक थान कम्प्युटर हस्तान्तरण गरेको हो । ५० हजार मूल्य बराबरको कम्प्यूटर प्रमुख जिल्ला अधिकारी इन्द्रदेव यादवलाई मंगलबार हस्तान्तरण गरेको बैकका प्रबन्धक निेश कर्णले बताउनु भयो ।
जिल्ला प्रशासन कार्यालयमा काम काज सहज एवं सहज बनाउनुका साथै अभिलेखहरु सुरक्षित राख्नको लागी कम्प्यूटर हस्तान्तरण गरिएको बैकका शाखा प्रबन्धक कर्णले बताउनु भयो ।
कार्यक्रममा सेन्चुरी कमर्सियल बैंकको प्रदेश नम्वर २ को प्रमुख सौरभ चौधरी , सहायक प्रमुख जिल्ला अधिकारी बसन्त भटराई, नेपाल सेना दल गणका क्याप्टेन झलक गुरुंङ , नायव सुब्बा राम नरेश साह लगायतको सहभागीता रहेको जिल्ला प्रशासन कार्यालय रौतहटले जनाएको छ ।