सरिता कुशवाहा
रौतहट बैआख ४
धनुषामा एक वृद्ध दम्पतीको एकैसाथ मृत्यु भएको छ । धनुषाको हंसपुर नगरपालिका ८ रमनगरामा श्रीमानको मृत्यु भएको १० मिनेटको अन्तरामा श्रीमतीको पनि निधन भएको हो ।
शनिबार बिहान स्थानीय ७६ वर्षीय वृद्ध दरवारी मण्डलको निधिन भएको १० मिनेट नबित्दै उनको श्रीमती ७१ वर्षीया मलेछिया देवी मण्डलको पनि निधन भएको हो ।
मण्डल रमनगराका अतिनै प्रतिष्ठित व्यक्ति भएका कारण उनको निधनले सम्पूर्ण गाउँवासी शोकमा रहेकै बेला उनको पत्नीको निधनले सम्पूर्ण गाउँबासीलाई शोकमय बनाएको छ ।
दुवैजनाको प्रेम र सद्भावकै कारण यस्तो संयोगपूर्ण बैकुण्ठ बास भएको स्थानीय बताउँछन् । गाउँलेहरुले यसैलाईनै एक अर्का प्रतिको सम्पर्णको संज्ञा समेत दिएका छन् ।
हंसपुर नगरपालिकाका मेयर रामज्ञान मण्डलले उनका निधनप्रति हार्दिक सम्वेदना प्रकट गर्दै शोक सन्तप्त परिवार प्रति धैर्य धारण गर्ने शक्ति माता जानकीले प्रदान गरुण भनि सम्वेदन समेत प्रकट गरेका छन् ।