रौतहटको कटहरियामा पार्किङ्ग गरि राखिएको दुईवटा मोटरसाईकल चोरी

सागर संगम ठाकुर । रौतहट बैशाख २६ गते ।

रौतहटमा चोरका गिरोहरु पुनः चोरीका घटनामा सकृय भएका छन । जिल्लाको कटहरिया नगरपालिका स्थित कटहरिया बजारमा शुक्रबार राती चोरका समुहहरुले दुईवटा मोटरसाईकल चोरी गरेर लगिएको छ ।
बारा जिल्लाको पचरौता नगरपालिका वडा नं. ६ चिकनी बस्ने स्थानिय रामईशवर साह कानुले आफनो आफन्त काहा सालीको बिहेमा कटहरिया आएको बेला सो मोटरसाईकल चोरी भएको साहले बताए ।
ससुरालीको घर मेन रोडमै रहेको र त्यही घरको ब्रण्डामा पार्किङ्ग गरि राखिएको प्रदेश नं. २००३००९ क १४०० नम्बरको पालाटिना मोटरसाईकल चोरी भएको पिडित साहले बताउनु भयो ।
त्यस्तै अर्को कटहरिया नगरपालिका वडा नं. ४ बहादुरपुरका स्थानिय सुरेन्द्र प्रसाद जयसवालको ना.३८ प.९१९६ नम्बरकोे सुपर स्पेलेण्डर मोटरसाईकल चोरी भएको पिडितले बताउनु भयो ।
हसपिटल भित्र बाहिरी ब्रण्डामा पार्किङ्ग गरि राखिएको मोटरसाईकल चोरी गरेर लगिएको सवारी धनी जयसवालले बताउनु भयो ।
प्रहरी प्रशासनको उदासिन्ताको कारणले गर्दा कटहरिया बजारमा मोटसाईकल चोरीको घटना बृद्धी हुन थालेको स्थानियहरुले आरोप लगाएका छन ।
समय समयमा गस्ती नगर्दा कटहरियामा बाईक चोरीको घटना भईरहेको स्थानियहरुको भनाई छ ।
जिल्लाकै चर्चित बजारको रुपमा रहेको कटहरिया यो भन्दा पहिला पनि कयौ बाईकहरु चोरी भएको उदहारण छन ।