ट्रयाक्टर दुर्घटना २ को मृत्यु , २ घाइते

रौतहटमा ट्रयाक्टर दुर्घाटना हुदा दुई जनाको मृत्यु भएको छ । जिल्लाको देवाही गोनाही नगरपालिका वडा नम्बर ४ देवाही टोलमा गएराती ११ बजेर ४५ मिनेटको समयमा खेत जोति घर फर्किने क्रममा लालबकैया नदीको बाँधबाट सो ट्याक्टर तल खस्दा दुर्घटना भएको हो ।

खेतबाट काम गरेर घरतर्फ आई रहेको अवस्थामा ट्याक्टरमा सवार ४ जना मध्ये २ जनाको घटना स्थलमै मृत्यु भएको र दुई जना लगम्भीर घाईते भएको ईलका प्रहरी कार्यलय देवाही गोनाहीका प्रहरी निरिक्षक राजन लम्सालले जानकारी दिनु भयो ।

दुर्घटनामा परेर घाईते भएको दुई जना मध्य एकजना अवस्था समान्य रहेको प्रहरीले बताएका छन ।
त्यस्तै दुर्घटनामा परेर मृत्यु हुनेमा स्थानिय देबेन्द्र पटेलको छोरा अन्दाजी २५ बर्षका गोबिन्द पटेल र रामपुकार पटेलको भतिजा अन्दाजी २० बर्षका कोबिन्द्र पटेल रहेको प्रहरीले बताए ।

त्यस्तै घायलमधे पाना पटेलको छोरा अन्दाजी २८ बर्षका राकेश पटेलको अवस्था गम्भिर रहेकोले बिरगँजको भवानी हस्पिटलको आईसियुमा राखि उपचार भईरहेको अर्का एक जना मायाराम पटेलको छोरा अन्दाजी ३ं० बर्षका रामाकान्त पटेलको समान्य उपचार पश्चात घर फर्किएको इन्सपेक्टर लम्सालले जानकारी दिनु भयो ।