प्रहरी असईको दुर्घटना परि मृत्यु

रौतहटको इलाका प्रहरी कार्यालय सन्तपुरका असईको दुर्घटना परि मृत्यु भएको छ ।

रौतहटको चन्द्रपुर नगरपालिकाको वडा नम्बर ८ स्थित इलाका प्रहरी कार्यालय सन्तपुरमा कार्यरत असई रमेश कुमार राउतको सडक दुर्घटना हुदा उहाको घटनास्थलमा नै मृत्यु भएको रौतहट प्रहरी सुचना अधिकारी नारायण प्रसाद चिमोरियाले बताउनु भयो ।

पर्साको सखुवा प्रसौनी गाउँपालिका ६ घर भई हाल रौतहटको इलाका प्रहरी कार्यालय सन्तपुरमा कार्यरत असई ४४ वर्षीय रमेश कुमार राउतको दुर्घटनामा मृत्यु भएको हो ।

राउतको बारा बरियारपुर र बघवन चोकको बीचमा ट्रकको ठक्करबाट मृत्यु भएको इलाका प्रहरी कार्यालय चन्द्रनिगाहपुरका डिएसपि लिलाराज लामिछानेले बताउनु भयो ।

प्रदेश २–०३–००१ ख.७१५ नम्बरको ट्रकले स.५ प.९५३७ नम्बरको मोटरसाइकललाई ठक्कर दिदा राउतको मृत्यु भएको प्रहरीले जनाएको छ । ट्रकसहित चालकलाई नियन्त्रणमा लिइएको बाराका प्रहरी प्रवक्ता डिएसपी गौतम मिश्रले जानकारी दिनु भयो ।