विश्वासको मत पाएपछि मोदीले दिए देउवालाई बधाई

काठमाण्डौं, ३ साउन । भारतीय प्रधानमन्त्री नरेन्द्र मोदीले शेरबहादुर देउवालाई बधाई दिएका छन् । आइतबार राति सामाजिक सञ्जाल ट्विटरमार्फत मोदीले देउवालाई बधाई दिँदै कार्यसफलताको कामना गरेका छन् । 

देउवाले संसद्बाट विश्वासको मत पाएपछि मोदीले बधाई दिएका हुन् ।
मोदीले देउवाको पालामा दुई देशका नागरिबीचको सम्बन्ध थप बलियो हुने विश्वास व्यक्त गरेका छन् । उनले सबै क्षेत्रसँग सहकार्य गरेर अघि बढ्न चाहेको पनि उल्लेख गरेका छन् ।

देउवाले आइतबार नै संसद्बाट १६५ मतसहित विश्वासकाे मत पाएका हुन् ।