रौतहटमा गए राती सवारी दुर्घटना हुँदा घटनास्थलमै एक जनाको मृत्यु

रबिन्द्र प्रजापति, पुस ०५ गते रौतहट ।

रौतहटमा गए राती सवारी दुर्घटना हुँदा एक जनाको मृत्यु भइको छ । जिल्लाको फतुवा बिजयपुर नगरपालिकाको हिमालिबासमा ट्रिपरले मोटरसाइकललाई ठक्कर दिएको थियो । ट्रिपरले मोटरसाइकल चालकलाई किचदा घटनास्थलमै मृत्यु भएको ईलाका प्रहरी कार्यालय फतुवा बिजयपुरले जनाएको छ ।
ना ८ ख ४२०२ नम्बरको ट्रिपरले आइतबार राती सबा नौ बजेको समयमा बा ३० प ८११५ नम्बरको मोटरसाइकललाई ठक्कर दिदा चालक फतुवा बिजयपुर वडा ९ लक्ष्मीनिया बस्ने अन्दाजी ५० वर्षिय पुरूष खेदु चौधरीको घटनास्थलमै मृत्यु ईप्रका बिजयपुरका ईन्सपेक्टर बिष्णु बिकले जानकारी गराउनु भयो ।
दुर्घाटना हुँदा ट्रिपरको चालक फरार भएको र चालकको खोजी कार्य जारी रहेको प्रहरीले जनाएको हो । मृत्कको शव पोष्ट मार्टमका लागि जिल्ला सरकारी अस्पताल गौरमा पठाईएको र थप अनुसंधान भईरहेको ईन्सपेक्टर विकले बताउनु भयो ।