मोटर खरावी हुदा खाने पानीको समस्या

रौतहटको चन्द्रनिगाहपुरमा केही दिनदेखि खानेपानी समस्या उत्पन्न भएको छ । अचानाक खानेपानी ट्याङ्कीमा रहेको मोटरमा समस्या आएकाले विहिबारदेखि चन्द्रनिगाहपुरका उपभोक्ताहरुलाई पानी उपलब्ध गराउन नसकेको खानेपानी संस्थान चन्द्रनिगाहपुरका सचिव राम बहादुर घलानले बताउनु भयो ।

गौर रोडमा सडक विस्तार गर्ने क्रममा पानीका पाइपहरु फुटेको कारणले पनि पानी सञ्चालनमा समस्या आएको उहाको भनाइ रहेको छ । आफुहरु तत्काल पानीको समस्या सामाधान गर्नका लागी लागीरहेकाले शनिबार साझसम्ममा उपभेक्ताहरुलाई पानी उपलब्ध गराउने गरि काम गरिरहेको समेत घलानले गुञ्जन एफएमलाई बताउनु भयो ।

चन्द्रनिगाहपुरका उपभोक्ताहरुले भने लामो समयसम्म पनि पानी नआउदा संस्थानको लापरवाही गरेको गुनासो गरेका छन । खानेपानी संस्थान जस्तो संस्थाले मोटरमा खरावी आए कै कारण पानी वितरण गर्न नसकेको जवाफ दिनु गैर जिम्मेवार बन्न खोजेकोे स्थानियको भनाइ रहेको छ ।