ईशनाथमा उपस्वास्थ्य चौकीको शिलान्यास

रौतहटको ईशनाथ नगरपालिकामा शुक्रबार उपस्वास्थ्य चौकी भवनको शिलान्यास गरिएको छ । ईशनाथ नगरपालिकाको नगर प्रमुख सन्तोष मेहताले शुक्रबार उपस्वास्थ्य चौकी भवनको शिलान्यास गर्नु भएको हो ।

इशनाथ नगरपालिकाको वडा नम्बर ६ पल्टुवा स्थिते स्वास्थ्य चौकीको शौचालय ,र कम्पाउण्ड वालसहितको भवन शिलान्यास समेत गरिएको नगर प्रमुख मेहताले बताउनु भयो । उपस्वास्थ्य भवन १ कट्टा १२ धुर जमिनमा निर्माण हुने भएको जनाइएको छ ।

ईशनाथ—६ का वडा अध्यक्ष रामेश्वर साह र वडा सदस्य सरफुदिनले संयुक्त निजि लगानीबाट जग्गा खरिद गरि उपस्वास्थ्य चौकी भवन बनाउन जग्गा दान गरिइएको नगर प्रमुख मेहताले बताउनु भयो ।

उपस्वास्थ्य चौकी असार मसान्तभित्र निर्माण सम्पन्न गरि सक्ने बताइएको छ । सो भवन ३८ लाख ५७ हजारको लागतमा नगर स्तरीय योजना अन्र्तगत निर्माण हुने बताइएको छ । कार्यक्रम वडा नम्बर ६ का वडा अध्यक्ष रामेश्वर साहको अध्यक्षतामा सम्पन्न भएको थियो ।